Petar Petkoviq, drejtori i të ashtuquajturës zyrë për Kosovën në Qeverinë e Serbisë ka qëndruar për vizitë në Kosovë gjatë ditës së djeshme. Përveç Mitrovicës së Veriut, Petar Petkoviq në ditën e tij të parë në Kosovë, ka vizituar edhe manastirin e fshatit Bajë të Skënderajt.
E ndaj kësaj ka reaguar edhe profesor, doktor Enver Bytyçi.
Ai e ka quajtur vizitën e Petkoviqit në Skenderaj një provokim të radhës të shtetit serb.
“Një dezhavu në retorikën, nëse dikush nga Beogradi do të shkelë ose jo në Drenisë. Para dy vitesh ky debat u bë për Vuçiç, tani bëhet për Petkoviç. Beogradi provokoi herën e parë, me të njëjtin model po provokon edhe tani”, shkruan Bytyçi.
Sipas tij, politikanët e Kosovës po bien në kurthin e Serbisë.
“Politikanët po bien për të dytën herë në provokimin e Serbisë. Reaksione patriotike, kunërshti për vizitën e Petkoviç në Drenicë. Në fakt ai nuk ka ndërmend të vizitojë Drenicën. Ai provokon që t'i hapet rruga për Mitrovicën. Përmendin Drenicën që të marrin Mitrovicën dhe politikanët nuk e shohin këtë provokim, por bien në kurthin serb të provokimit!”, përfundon postimin e tij, profesor, doktor Enver Bytyçi.
