Deputeti i Aleancës për Ardhmërinë e Kosovës, Gazmend Syla ka reaguar ashpër pas publikimit të një video-loje në Serbi ku pjesë e skenës është edhe sulmi në Prekaz.
Syla përmes një postimi në llogarinë e tij në Facebook ka thënë se krijimi i një video-loje të tillë për t’u krenuar, është shkalla më e lartë e marrëzisë.
Postimi i plotë
Çetnikët serb e paskan rikrijuar përmes një video-loje sulmin mbi Prekaz, masakrën mbi Adem Jasharin dhe familjen e tij. Ta krijosh një video të tillë për t’u krenuar është shkalla më e lartë e marrëzisë e çnjerëzisë.
Mosreagimi i Aleksander Vucicit dhe tolerimi i kësaj videoje është akt i ri agresioni mbi Kosovën.
