Bajram Gecaj nga LDK ka reaguar ndaj zyrtarit të VV-së, Avni Zogiani, i cili tha se Fetah Rudi po e akuzon Fatmir Limajn për atentatin ndaj ti, por që partia e tij ka bërë koalicion me të.
Përmes një postimi në Facebook, Gecaj ka thënë se Zogiani nuk e ofendoi sot vetëm Rudin por të gjithë aktivistët e LDK-së të vrarë e të plagosur, familjarët e tyre, përcjell Bota sot.
Gecaj ka thënë se njerëzit e tillë nuk duhet të kenë vend në asnjë strukturë politike e publike.
Ai i ka bërë ftesë publike Vjosa Osmanit dhe Albin Kurtit që ta dënojnë këtë veprim të tij dhe të distancohen nga ai.
Postimi i tij i plotë:
Avni Zogiani nuk ofendoi sot vetëm Fetah Rudin, por të gjithë aktivistët e LDK-së të vrarë e të plagosur, familjarët e tyre dhe qytetarët e ndershëm të këtij vendi në përgjithësi. Njerëz të tillë nuk duhet të kenë vend në asnjë strukturë politike e publike. I bëj ftesë publike secilit, por në veçanti Vjosa Osmanit dhe Albin Kurtit ta dënojnë dhe të distancohen nga ky veprim i ulët dhe i poshtër i një zyrtari të LVV-së!