(E plotësuar 11:00) - Ministri i Shëndetësisë, Armen Zemaj ka monitoruar testimet që po bëhen në sheshin “Zahir Pajazit”, për Covid-19, nga IKShPK-ja, raporton Ekonomia Online.
Ai e mirëpriti iniciativën e Institutit dhe sipas tij, kjo është mënyrë e mirë që të testohen sa më shumë qytetarë.
Mes tjerash ministri tha që pavarësisht gjendjes me Covid-19 në duhet të jemi të kujdesshëm
“Pavarësisht situatës në kontroll duhet të jemi të kujdesshëm”.
I pyetur se a do ketë ndryshim të masave në rast që do ketë përmasim të situatës Covid-19 ministri tha që masat mbesin të njëjta.
“Do fillojmë edhe me teste të shpejta, teste të avancuara dhe këto teste që tashmë kanë ardhur do të mundësojnë që të jepen në vende të ndryshme dhe do zbatohen shpejtë”.
***
IKSHPK për mes një komunikate për media, njofton se përkundër situatës epidemiologjike, që ditëve të fundit ka shënuar rënie të rasteve, po vazhdon testimi dhe sensibilizimi i qytetarëve për parandalimin e COVID-19.
Tutje thuhet se ekipet e IKSHPK janë organizuar sot testime plotësuese në sheshin “Zahir Pajaziti” në Prishtinë, për sot dhe nesër.
Marrja e mostrave të hundës dhe fytit, në baza vullnetare për qytetarët që dëshirojnë të testohen me RT-PCR.
Kjo është komunikata e plotë:
Komunikatë për media
Instituti Kombëtari shëndetësisë publike, përkundër situatës epidemiologjike e cila ditëve të fundit ka shënuar rënie të rasteve po vazhdon me testimin dhe sensibilizimin e qytetarëve në parrandalimin e COVID-19.
Ekipet e IKSHPK po vazhdojnë hetimin epidemiologjik dhe gjurmimin e rasteve gjithandej vendit.
Task Team i IKSHPK ka organizuar testime plotësuese në sheshin “Zahir Pajaziti”:
1. Testimi bëhet prej orës 9.30 deri ora 13.00 më datë 29 dhe 30 dhjetor 2020;
2. Marrja e mostrave të hundës dhe fytit, në baza vullnetare për qytetarët që dëshirojnë të testohen me RT-PCR;
3. Procedura e marrjes së mostrave bëhet sipas protokoleve të IKSHPK nga ekipet me përvojë të cilat marrin mostra rregullisht në IKSHPK dhe në terren nëpër institucionet e ndryshme sipas indikacioneve epidemiologjike.
Duke pasur parasysh rëndësine e marrjes së mostrave për depistimin e rasteve të cilët nuk kanë shenja të sëmundjes.
IKShPK apelon te të gjithë qytetarët që të vijnë të testohen në SARS-CoV-2, duke ju informuar gjithashtu se testimet vazhdojnë në IKSHPK dhe të gjitha Qendrat rajonale të shëndetësisë publike në Kosovë.
Mbuloni gojën dhe hundën me maskë!
Mbani higjienën!
Respektoni distancën!
