Lideri i AKR-së, Behgjet Pacolli ka paraqitur në Polici disa kriminelë kompjuterik, pasi të njëjtin kanë keqpërdorur emrin e tij në Facebook.
Pacolli ka reaguar pasi disa llogari të rrejshme janë krijuar në emrin e tij.
Ai thotë se pas këtyre mashtrimeve, mund të merren të dhënat personale të llogarive atyre që bien pre e mashtrimit.
Postimi i plotë:
Të dashur miq,
Javëve të fundit keni mundur të vëreni në Facebook, llogari të rrejshme në krijuara me emrin tim, me qëllimin e vetëm, përfitimin e të dhënave te juaja nga grupe kriminale, kryesisht nga nacionalitete të huaja.
Ju lutem keni kujdes nga këta kriminelë kompjuterik të cilët me mashtrime të tilla mund t’u shkaktojnë dëme duke u marrë të dhënat e identitetit por edhe llogaritë bankare.
Rastet janë denoncu ne Polici, menjëherë kur janë vërejtur por ato vazhdojnë te paraqiten edhe më tutje.
Faqja ime e vetme është kjo, e cila është e verifikuar nga facebook, e tiketuar me tik te kaltert.
