Komisioni Qendror Zgjedhor (KQZ) këtë të premte ka mbajtur mbledhjen e radhës në të cilën ka vendosur që të largohen nga lista e votuesve rreth 150 mijë qytetarë që nuk kanë të drejtë vote.
Kryetarja e KQZ-së, Valdete Daka, ka thënë se largimi i këtyre personave nga lista zgjedhore do të bëhet vazhdimisht deri në mbajtjen e zgjedhjeve lokale.
“Mbi 150 mijë qytetarë janë në listat e votuesve dhe nuk kanë të drejtë të vote, një numër i madh i tyre janë që kanë vdekur”.
“Do të fillojmë largimin e këtyre emrave, dhe do ta bëjmë në vazhdimësi deri në kohën kur mbahen zgjedhjet lokale”, ka thënë Daka.
