Zëdhënësi i Partisë Demokratike të Kosovës, Avni Bytyçi, ka deklaruar se lideri i VV-së, Albin Kurti, ka gënjyer dhe mashtruar tash e 20 vjet.
Përmes një postimi në rrjetin social Facebook, Bytyçi ka shkruar se Kurti nuk ka program, përvojë dhe konsistencë.
Sipas tij, këto janë arsyet pse ai nuk del në debat publik me kandidatin e PDK-së për kryeministër, Enver Hoxhaj.
“20 vjet mashtrim, gënjeshtër dhe populizëm. Është më se e kuptueshme se pse z. Kurti nuk ballafaqohet me prof. Enver Hoxhajn në debat”, ka shkruar ai.
Bytyçi ka komentuar deklarimet e Kurtit të bëra në një bisedë virtuale ku ka përmendur bashkimin e Kosovës me Shqipëri përmes formës së referendumit.
Postimi i plotë:
“Unë mendoj se ne duhet të jemi të sinqertë për të pasur një marrëveshje të qëndruar, ne duhet të bëjmë kërkesa ndaj njëra-tjetrës. Serbia ka disa kërkesa për Kosovën edhe ne gjithashtu dhe t’I vendosim në tavolinë kërkesat tona për të pasur një dialog të drejtë”.
“Kushtetuta e Kosovës thotë që Kosova nuk mund të bashkohet me ndonjë shtet tjetër.”
Albin sh-Kurti, 2021
Koment:
20 vjet mashtrim, gënjeshtër dhe populizem. Është më se e kuptueshme se pse z. Kurti nuk ballafaqohet me prof. Enver Hoxhajn në debat;
z. Kurti nuk ka:
1. Program
2. Pervojë/dije (edhe jo këtu nuk kryen punë njohuritë e tij për telat e bakrit)
3. Konsistencë
#Rimëkëmbje
#HoxhajKryeministër
