Ish-kryetari i Lidhjes Demokratike të Kosovës, Isa Mustafa, ka thënë se e ka uruar Lumir Abdixhikun për pozitën e re si kryetar i partisë.
Mustafa ka thënë se Abdixhikun e pret një punë e madhe tani që është i pari i LDK-së.
“Z. Abdixhiku e pret një punë e madhe. E kam uruar për fitoren dhe uroj të ketë përkrahje të gjerë për të kapërcyar sfidat që e presin”.
“E kam uruar edhe z. Haziri për një përkrahje të rëndësishme që ia dha sot Kuvendi i LDK-së”.
Mustafa e ka komentuar edhe punën e Kuvendit Zgjedhor të mbajtur sot.
“Ishte një Kuvend shumë i mirë, shembull. Gara ishte korrekte, procedurat e rregullta”.
