Në Aeroportin e Prishtinës sonte ka mbërritur kontingjenti i parë i vaksinave antiCOVID-19, si pjesë e programit COVAX.
Bëhet fjalë për 24 mijë doza të vaksinës AstraZeneca. Kryeministri Albin Kurti dhe ministri i Shëndetësisë, Arben Vitia, pas pak do ta presin edhe zyrtarisht kontingjentin e parë të vaksinave.
Deputeti nga VV, Fitim Haziri ka thënë se ky është një lajm fantastik dhe së bashku të luftojmë kunëdr kësaj pandemie.
“Është lajm fantastik arritja e 24 mijë dozave të para të vaksinave kundër COVID-19.
Me punë dhe disiplinë ta vazhdojmë bashkërisht luftën kundër kësaj pandemie”, ka shkruar Haziri në Facebook.
