Gazetari Adriatik Kelmendi, ka thënë se Kurti sot ka bërë një veprim të mirë që ka marrë vaksinën i pari.
Ai thotë se me këtë, Kurti ka hequr disa teori konspirative që po qarkullojnë te popullata.
Kelmendi thekson se të njëjtën gjë si Kurti e ka bërë edhe presidenti Joe Biden, mbretëresha Elizabeth, Papa Benedikti e disa liderë të tjerë.
Postimi i tij i plotë:
Albin Kurti bëri absolutisht gjënë e duhur që mori i pari publikisht vaksinën. S'ka këtu politikë, ka shëndetësi.
E kanë bërë para tij edhe Joe Biden, mbretëresha Elizabeth, Papa Benedikti, kryeministrat Netanyahu dhe Erdogan, sekretari i përgjithshëm i OKB-së Guterres e plot të tjerë.
Në kohën kur thuaja gjysma e popullatës besojnë në teori konspirative, është akt patriotik kur një lider i shtetit vaksinohet.
Edhe në Kosovë ka plot njerëz që ende nuk i besojnë as pandemisë dhe as vaksinës.
Tash i mbetet qeverisë Kurti ta bëjë hapin e radhës - të sigurojë sa më shpejtë dhe sa më shumë vaksina për të gjithë qytetarët.
Vaksinimi nuk ka alternativë!
