Drejtori i të ashtuquajturës zyrë për Kosovën në Qeverinë e Serbisë, Petar Petkoviq po qëndron në Kosovë. Ai ndoqi liturgjinë e Pashkëve ortodokse në mesnatë në manastirin e Graçanicës.
Petkoviq shkroi në Instagram se si ai i festoi Pashkët “në zemër të Kosovës”.
Edhe një javë më parë, Petar Petkoviq e ka vizituar Kosovën, me ç’rast dorëzoi çelësat e 12 banesave në Mitrovicën e Veriut si donacion nga Serbia.
Ministrja e Punëve të Jashtme, Donika Gërvalla ka thënë se ai kishte marrë leje për të hyrë në Kosovë.
Ajo pati deklaruar se nëse Petkoviqi s’e respekton marrëveshjen e Brukselit do të marrin masa.
