Posta e Kosovës ka lëshuar njoftim të rëndësishëm në lidhje me pagat e punëtorëve të kësaj ndërmarrjeje.
Posta me anë të një komunikate për media ka thënë se janë ekzekutuar pagat e punëtorëve të gradave nga 1 deri në 5.
“U.D. Kryeshefi Ekzekutiv i Postës së Kosovës, Z. Rafet Jashari, një ditë pas marrjes të detyrës, me dt. 04.06.2021, ka arritur të ekzekutoi pagat e punëtorëve me kohë (kategoria gradat 1-5), si dhe është duke punuar intensivisht së bashku me Menaxhmentin e PK-së që brenda një afati shumë të shkurtë, të ekzekutoji pagat edhe për pjesën tjetër të mbetur të punëtorëve”, thuhet në komunikatë.
Ndryshe, para pak ditësh, është shkarkuar Xhevdet Smakiqi nga pozita e kryeshefit të Postës për t’u emëruar Rafet Jashari në vend të tij.
