Ish-negociatorja e Kosovës në bisedimet Kosovës-Serbi, Edita Tahiri ka thënë se në vend të një tregu përbashkët me Evropën, ka rrezik se mund të krijohet një treg i përbashkët me Serbinë.
Përmes një postimi në Facebook ajo ka thënë se nëse ndodh kjo atëherë është një kthim mbrapa për rajonin dhe një alternativë që të krijohet Serbia e madhe.
“Në vend se një treg i përbashket me Evropën, ka rrezik që të bëhet treg i përbashket me Serbinë.
Eshtë një kthim prapa për rajonin dhe një mundesi qe Serbia te kthehet ne hegjemon ekonomik ne Ballkan, si nje rrugë alternative per te krijuar “Serbine e Madhe”, duke qenë se deshtoi politikisht kur tentoi ndryshimin e kufijve në tre vitet e fundit.
Kosova duhet të ketë kujdes mos të bëj gabime!”, ka shkruar ajo.
