Kosova sot shënon 22-vjetorin e përfundimit të fushatës së bombardimeve të NATO-s që kishte për qëllim ndaljen e gjenocidit në Kosovë nga forcat serbe.
Fushata e bombardimeve të NATO-s që nisi më 24 mars përfundoi në qershor, e pas përfundimit të luftës me dhjetra refugjatë në malet e Drenicës, kishin filluar të ktheheshin në shtëpitë e tyre në të cilat thuajse nuk gjetën asgjë përvec hirit të shtëpive.
Gjatë asaj kohe, disa gazetarë të Reuters kishin takuar grupin e refugjatëve dhe kishin intervistuar një vajzë. Vajza e re e cila kishte humb babain dhe vëllaun në luftë, fliste në gjuhën angleze dhe nuk e kishte idenë se Kosova u çlirua dhe NATO tashmë ka hyrë në Kosovë.
Ajo ka treguar për historinë e saj.
Valdete Isufi-Elshani ka treguar historinë e dhimbshme të jetës së saj, në të cilën iu vranë 18 familjarë të ngushtë.
“Kur mu kabo pyetja nga gazetari, unë nuk mund t’i besoja atij, se ushtarët e NATO-s kishin hyrë në Kosovë, pastaj ai më bindi. Mirëpo forcat e natos ishin pak vonë për familjen time. Emocionet ishin të ndryshme, isha e kënaqur që NATO erdhi në Kosovë, por e disha që forcat e NATO-së ishin pak vonë për familjarët e mi”, tha ajo.
