Imami nga Peja Drilon Gashi është emëruar këshilltar në Kabinetin e Kryetarit të Kuvendit, Glauk Konjufca.
Gazeta ka provuar të marrë konfirmim nga Kuvendi i Kosovës për angazhimin e Gashit në zyrën e Kryeparlamentarit, por nuk ka marrë përgjigje.
As hoxha Drilon Gashi nuk ka qenë i gatshëm të flasë për këtë çështje, derisa, të dhënat e tij ende nuk janë bërë publike tek seksioni i këshilltareve të Kryekuvendarit në faqen zyrtare të Kuvendit të Kosovës.
Siç merr vesh Gazeta angazhimi i teologut nga Peja në kabinetin e Kryeparlamentarit Glauk Konjufca ka nisur nga kjo javë.
Ndryshe, Drilon Gashi, është një nga imamët më të njohur në vend, dhe gjithashtu vlerësohet si teolog dhe ligjërues i moderuar i islamit.
