Vetëm gjatë korrikut kaq persona hynë nga aeroporti i Prishtinës

Aktuale

Vetëm gjatë korrikut kaq persona hynë nga aeroporti i Prishtinës

Më: 3 gusht 2021 Në ora: 17:12
Foto ilustrim

Mësohet se në pikat kufitare të Kosovës, kanë hyrë më shumë se 700 mijë persona vetëm në muajin korrik, përderisa nga Aeroporti Ndërkombëtar i Prishtinës “Adem Jashari” gjatë këtij muaji hynë më shumë se 221 mijë persona.

Dy shtetet dominuse sa i përket ardhjeve të mërgimtarëve janë nga Zvicra dhe Gjermania. Këto dy shtete prijnë për nga numri i ardhjeve në Kosovë këtë vit, për dallim nga shtetet e tjera nga bota, me theks të veçantë nga Evropa.

Vetëm gjatë muajit korrik 2021 përmes pikë kalimeve kufitare në Republikën e Kosovës kanë hyrë 760,859 persona, thanë nga Departamenti i Përgjithshëm i Policisë së Kosovës (DPP).

Nga ana tjetër përmes Aeroportit të Prishtinës vetëm gjatë muajit korrik, kanë ardhur 221,729 mërgimtarë, shprehet zëdhënësja e Aeroportit Ndërkombëtar të Prishtinës “Adem Jashari, Valentina Gara.

commentFirst article
Sot mund të lexoni Shfletoni kopertinat