Policia e Kosovës ka njoftuar për disa raste të zjarreve në Kosovë në 24 orët e fundit.
Rastet e zjarreve janë raportuar në Viti, Dragash, Prizren, Suharekë, Pejë.
Fsh. Sadovine e Jerlive, Viti, 17.08.2021-12:00. Raportohet se i dyshuari mashkull kosovar pasi kishte ndezur disa mbeturina, zjarri del jashtë kontrolli dhe përfshinë një sipërfaqe me shkurre dhe bari të thate. Ne vendin e ngjarjes kanë dalë njësitet policore dhe zjarrfikësit te cilët kanë shuar zjarrin. Me vendim të prokurorit rasti shkon në procedurë të rregullt.
Dragash, 17.08.2021-10:00. Në rrethana të panjohura janë përfshirë nga zjarri 12 ari fushë me bari të thatë. Në vendin e ngjarjes kanë dalë njësitet policore dhe zjarrfikësit të cilët kane shuar zjarrin.
Suharekë, 17.08.2021-10:40. Ankuesi mashkull kosovare ka raportuar se i janë përfshirë nga zjarri 10 hektar pyll. Në vendin e ngjarjes kanë dalë njësitet policore dhe zjarrfikësit të cilët kanë lokalizuar zjarrin.
Fsh. Malësi e re, Prizren 17.08.2021-15:20. Në rrethana të pa njohura janë përfshirë nga zjarri disa shkurre, gardhe dhe bimë të thata nga një hapësirë rreth dy hektarë dhe ishte afruar në një afërsi të katër shtëpive të banimit. Intervenimi i shpejtë i zjarrfikësve si dhe me mobilizimin e banorëve është parandaluar rreziku te shtëpitë e banimit dhe zjarri është shuar.
Fsh. Sopijë-Bukosh, Suharekë 17.08.2021-15:26. Në rrethana të panjohura është përfshirë nga zjarri një sipërfaqe e konsiderueshme djerrina, hamullore dhe vreshta. Në vendin e ngjarjes kanë dalë njësitet policore dhe zjarrfikësit të cilët kane shuar zjarrin.
