Kryetari i LDK-së, Lumir Abdixhiku, ka mbledhur sot kryesinë e kësaj partie në Podujevë. Së bashku me Ekrem Hysenin, kandidatin e kësaj partie për kryetar të komunës së Podujevës në zgjedhjet lokale të 17 tetorit, ka diskutuar për organizimin dhe mobilizimin e LDK-së për zgjedhjet e vjeshtës.
“Në takimin me strukturat dhe kandidatët për këshilltarë komunalë u diskutua për organizimin dhe mobilizimin e degës së LDK-së në Llap për zgjedhjet e tetorit”, thuhet në njoftimin e kësaj dege.
Ajo çfarë bie në sy është mungesa e Agim Veliut, në takimin e degës së LDK në Podujevë.
Veliu, që udhëhoqi për shumë vjet LDK-në në Llap e komunën e Podujevës për disa mandate, u shkarkua nga posti i kryetarit të LDK-së në Podujevë muaj më parë pasi udhëheqjen e partisë e morti Abdixhiku.
E shkarkimin nga kryetari i degës së LDK në Podujevë e pati kritikuar ashpër Veliu duke e quajtur vendim përçarës.
