Qeveria e Kosovës ka miratuar ndarjen e mjeteve shtesë për dy muaj për punëtorët shëndetësorë.
Për këtë ka reaguar ish-ministri i Shëndetësisë, Armend Zemaj, duke thënë se Qeveria po vazhdon të ofendojë me lëmoshë ndaj mantelbardhëve.
Sipas tij, qeveri e dëshmoi edhe një herë mungesën e dijes dhe vullnetit për përkrahje të merituar të stafit shëndetësor në vend.
Postimi në Facebook:
Dinjiteti i mantelbardhëve – heronjve tanë, as nuk shitet e as nuk blihet.
Qeveria vazhdon ofendimin me lëmoshë ndaj mantelbardhëve, respektivisht heronjve të kohës, të cilët me vetëmohim po vazhdojnë luftën me armikun global Covid-19.
Pra, kjo qeveri e dëshmoi edhe një herë mungesën e dijes dhe vullnetit për përkrahje të merituar të stafit shëndetësor në vend, duke vazhduar ofendimin me lëmosh të caktuar në emër të shtesës prej 10 për qind.
