Veprimtari Eugen Shehu, ka publikuar një fotografi të ish-presidentit Ibrahim Rugova dhe Azem Hajdarit, lider i lëvizjes studentore. Shehu ka thënë se Rugova kishte vendosur dijen dhe mençurinë në rrugën që e trasoi drejt lirisë dhe pavarësisë së Republikës së Kosovës. Ndërsa, Hajdari, sipas tij, vuri gjoksin përballë diktaturës perverse, përcjell Bota sot.
“Koha për të hequr qafe dhe bijtë e atyre etërve nostalgjikë "jugosllavë", shërbëtorë të projekteve antikombëtare shqiptare të "Ballkanit të Hapur"”, ka shkruar ai në një postim në Facebook.
Postimi i plotë:
Ata burra që e fortifikuan historinë shqiptare.
Presidenti i ndjerë dr.Ibrahim Rugova
Njëri vendosi dijen dhe mençurinë në rrugën që e trasoi drejt lirisë dhe pavarësisë së Republikës së Kosovës.
Kryestudentori tribuni i demokracisë Azem Hajdari
Tjetri vuri gjoksin përballë diktaturës perverse, më kriminalja në bllokun e lindjes komuniste shqiptare për liri e demokraci.
Koha për të hequr qafe dhe bijtë e atyre etërve nostalgjikë "jugosllavë", shërbëtorë të projekteve antikombëtare shqiptare të "Ballkanit të Hapur".
