Analisti i çështjeve politike Agron Demi ka reaguar sërish në lidhje me futjen në listë të zezë të Millan Radojiçiq dhe Zharko Vesellinoviq.
Ai thotë se kjo listë e zëzë e vuri në pah 'bashkim-vëllazërimin' në krim të organizuar mes serbëve dhe shqiptarëve.
“Të tjerë biznesmenë e pronarë mediash kanë qenë bashkëpunëtorë direkt në biznes. E prokurorë e gjyqtarë ua kanë mbyllur rastet.
E ShBA ndoshta nuk e zgjeron ma shumë listën e zezë, por Kosova duhet me i futë në listë dhe me i largu këta prej politikës, gjykatave, tenderave e mediave”, shkroi Demi në Facebook, përcjell “Bota sot”.
Postimi i plotë
Dy persona nga Kosova që u futën në listën e zezë të ShBA nxorrën sheshit 'bashkim-vëllazërimin' në krim të organizuar mes serbëve dhe shqiptarëve. Një ish-ministër deklaron se një kriminel serb nuk u arrestua, ngase një biznesmen nga Prishtina e kishte paralajmëruar. Edhe nuk ka asnjë lëvizje të prokurorisë për këte.
Një ish-kryeministër ndante mezen me njërin prej tyre dhe i priste në zyren më të lartë shtetërore. Një tjetër ngrinte dolli në jahta (ngase politikanët e Kosovës nuk janë ma si në kohën e Isa Boletinit, me lëvizë me kuaj, tash takohen rastësisht gjatë ankorimit të jahtave).
Të tjerë biznesmenë e pronarë mediash kanë qenë bashkëpunëtorë direkt në biznes. E prokurorë e gjyqtarë ua kanë mbyllur rastet.
E ShBA ndoshta nuk e zgjeron ma shumë listën e zezë, por Kosova duhet me i futë në listë dhe me i largu këta prej politikës, gjykatave, tenderave e mediave.
