I dërguari Special i Bashkimit Evropian për dialogun Kosovë – Serbi, ka dhënë komentin e tij pas takimit me presidentin serb, Aleksandar Vuçiq.
Lajçak, pas takimit, tha se me presidentin serb pati diskutim konstruktiv e thelbësor.
“Sapo përfundova një diskutim konstruktiv e thelbësor me presidentin Vuçiq, në Beograd, për rrugën përpara në dialogun e lehtësuar nga BE-ja për normalizimin e marrëdhënieve”, ka shkruar Lajçak në Twitter.
Just finished a constructive and substantive discussion with @predsednikrs @avucic in Belgrade about the way forward in the EU-facilitated Dialogue on normalisation of relations. pic.twitter.com/gHA9z77VQ7
— Miroslav Lajčák (@MiroslavLajcak) February 2, 2022
Nga 31 janari deri më 2 shkurt, Lajçak dhe Escobar kanë qëndruar në Kosovë ku kanë zhvilluar takime me presidenten e vendit, Vjosa Osmani dhe kryeministrin, Albin Kurti.
Gjithashtu, përfaqësuesit e SHBA-së dhe BE-së, takuan edhe krerët e partive opozitare Partinë Demokratike të Kosovës, Lidhjen Demokratike të Kosovës, Aleancën për Ardhmërinë e Kosovës. Takim zhvilluar edhe me Listën Serbe.
