Një aeroplan me udhëtarë nga Aeroporti i Prishtinës, të cilët ishin nisur mbrëmë për në Basel të Zvicrës, është kthyer prapa në Kosovë, për shkak të një defekti të aeroplanit.
Udhëtarët kanë thënë se ata kanë fluturuar rreth 45-50 minuta në ajër, por ndërkohë janë lajmëruar që duhet të kthehen në Prishtinë për shkak të defektit.
Ata kanë thënë se janë maltretuar, pasi nuk u ka bërë zgjidhje as Aeroporti dhe as kompania, me të cilën po fluturonin.
Sipas tyre, defekti kishte të bënte me xhamin e pilotit, i cili ka krisur.
Një nga udhëtarët ka komentuar në një postim në Facebook, ka thënë se defekti nuk ishte i vogël, pasi ky fluturim mund të përfundonte në katastrofë totale, përcjell Bota sot.
Ai ka publikuar edhe pamjet.
"Edhe unë isha një prej udhëtarëve! Merrne jetën më cool o njerëz! Defekti që pati aeroplani nuk qe i vogël. Ju ka thy xhami kokpitit (xhami i pilotit), e që ka mundur me përfundu ky fluturim në katastrofë totale e me humb jetën ne të gjithë. Në vend se me pre dash e me festu, tipas si këta qesin vrerë prej goje. Qetësohuni me bacin e shijojeni jetën.
Qe foton ku shihen impaktet. Xhami është plasarit dhe ju gëzonu që nuk ka dal nga vendi se sot ishin kanë pleqtë tu hangër gullash e tu na lavdëru për burra t’mirë", ka komentuar njëri nga udhëtarët që ishte prezent në këtë flurutim./Botasot
