Policia e Kosovës ka njoftuar se ka arrestuar 41 persona gjatë 24 orëve të fundit në qytete të ndryshme të vendit.
Siç bëhet e ditur nëpërmjet raportit 24-orësh të PK-së, të dyshuarit janë arrestuar për vepra penale si dhuna në familje, vjedhje, për posedim të narkotikëve apo armëmbajtje pa leje.
Policia gjithashtu sqaron se 21 persona janë në mbajtje, ndërkaq 5 të tjerë në vuajtje të dënimit.
Gjithashtu gjatë kësaj periudhe kohore sipas raportit janë raportuar 67 aksidente trafiku, ku 27 prej tyre kanë qenë me të lënduar dhe 40 me dëme materiale.
Policia ka shqiptuar 1 mijë e 938 tiketa trafiku dhe 116 tiketa në bazë të ligjit COVID-19.
