Analisti Skënder Mulliqi, ka thënë se në Kosovë deri më tash partitë politike dhe pushtetet ishin teknokratike.
Sipas tij, ata vetëm shtet për vete bën dhe funksionuan me parimet e rreme e autokratike.
Shkrimi i plotë:
Partitë politike dhe pushtetet e deritashme ishin teknokratike. Këto parti bartëse të pushtetit, dhe pushtetet e formuara nga to, genjyen edhe kur bën zhurmë, gënjyen edhe kur heshtën. Këto parti dhe këto pushtete na sunduan gjatë, dhe shumë gjatë e keqësuan gjendjen politike, institucionale dhe ekonomike. Nuk bën kurrë shtet si duhet. Bën shtet për vete, kurse të tjerët shumicë i quan në “rrotë të somës”. Këto pushtete u treguan jo kompetente. Funksionuan me parimet e rreme e autokratike. Funksionuan mbi mashtrimin dhe manipulimin e masave. Ecën me sy qorr, e dërguan Kosovën në rrugën pa krye, e vunë në peshore edhe pavarësinë e Kosovës! Këto mendje të errëta nuk po e lënë ende luftën për pushtet, kur rezultatet e punës të tyre janë gati barazi me zero. E rrënuan substancën e ekonomisë dhe të shoqërisë, rrënuan sistemet e institucioneve të shtetit! Demokracia në Kosovë ka ardhur në deregje të ligë sikur që na katandisur edhe varfëria…!
