Ministrja e Industrisë, Ndërmarrësisë dhe Tregtisë Rozeta Hajdari priti sot në takim ambasadorin e SHBA-së në Prishtinë, Jeffrey Hovenier, të cilin e falënderoi për mbështetjen e vazhdueshme të vendit të tij për Kosovën.
Hajdari ambasadorin Hovenier e njoftoi mbi objektivat e ministrisë që ajo drejton, tërheqjen e investimeve, me qëllim të rritjes së punësimit dhe përmirësimit të bilancit tregtar me bazë në parimet e përgjegjësisë, llogaridhënies, transparencës, barazisë dhe gjithëpërfshirjes.
Në takim u vlerësua bashkëpunimi ndërmjet dy shteteve mike dhe u ritheksua gatishmëria për intensifikim të bashkëpunimit në fushat që mbështesin zhvillimin ekonomik dhe integrimin euroatlantik të Kosovës, shkruan Hajadri në Facebook.
Postimi:
Në takimin me Ambasadorin e Shteteve të Bashkuara të Amerikës në Kosovë, Jeffrey M. Hovenier, i urova mirëseardhje dhe i dëshirova suksese në misionin diplomatik në Kosovë. Gjithashtu, i falënderova SHBA-të për partneritetin dhe mbështetjen e vazhdueshme ndaj Republikës së Kosovës.
Ambasadorin Hovenier e njoftova mbi objektivat e ministrisë që drejtoj, lidhur me zhvillimin e industrisë, inovacionit, ndërmarrësisë, turizmit, si dhe tërheqjen e investimeve, me qëllim të rritjes së punësimit dhe përmirësimit të bilancit tregtar me bazë në parimet e përgjegjësisë, llogaridhënies, transparencës, barazisë dhe gjithëpërfshirjes.
Vlerësuam bashkëpunimin në mes vendeve tona dhe ritheksuam gatishmërinë për intensifikim të bashkëpunimit në fushat që mbështesin zhvillimin ekonomik dhe integrimin euroatlantik të Republikës së Kosovës.
