Në Kuvendin e Kosovës, është duke u zhvilluar debat mbi politikën e jashtme, ndërsa kryeministri Kurti dhe deputeti i PDK’së, Enver Hoxhaj, kanë ndarë edhe batuat mes tyre.
Hoxhaj i cili ia përmendi hapjen e qiellit në kohë ramazani si dhe kryqëzimin e yjeve tek të krishterët si metaforë për ta shfrytëzuar Kosova momentumin në politikën e jashtme, është marrë me shaka nga kryeministri Kurti.
Kryeministri Kurti, menjëherë ia ktheu Hoxhajt me batutë, a u hapë qielli a jo, a janë kryqëzuar yjet unë nuk e di, e ftoj deputetin Jahja Kokajn që të flas për këtë.
“Meqë ka ndodhur një zhvendosje e madhe ndërkombëtare, e cila është për Kosovën një kohë e mundshme e vetmisë, izolimit, por e cila mund të jetë për Kosovën një mundësi shumë e madhe. Ne e kemi ftuar kryeministrin sot për të na treguar se çka do të bëjë për këtë mundësinë e madhe, në këtë dritare të re që ofrohet. E di që shumica e jush jeni me ramazan, tek myslimanët kësaj i thonë me u hap qielli. Njëherë hapet. Ka mundësin që qielli është hapur dhe unë po pres prej kryeministrit të del dhe na tregojë se çka me bë. Krishterët thonë me u kryqëzu yjet, prandaj ju kisha ftuar të diskutojmë për këto tema. Pa busullë, pa yll polar s’ka politikë të jashtme”, ka thënë Hoxha në foltoren e Kuvendit.
Kurti tha se qeverisja e tij karakterizohet me dinjitet në përfaqësim jashtë vendit dhe strukturim të brendshëm në ministrinë përkatëse.
“Ne konsiderojmë që barazia arrihet pikërisht nëpërmjet përfaqësimit të dinjitetshëm dhe këtë gjë e kemi bërë. Orientimt tona gjeopolitike dhe vlerërore tanimë dihen dhe për këtë mund të përsëritemi, por s’është e nevojshme. Sa për atë “u hap qielli”, “u mbyll qielli”, “ylli polar”, unë nuk i di, po e ftoj profesor Jahja Kokën t’ju përgjigjet”.
