Përfaqësues të lartë të Njësive të Ujësjellësave, Tropojës, Matit, Dibrës, Urës vajgurore, Devollit, Himarës dhe nga sektori i Klosit, kanë qëndruar për vizitë studimore dy ditore (dje dhe sot) në Kompaninë Rajonale të Ujësjellësit ‘Hidrodrini’ në Pejë.
Vizita ka ardhur në kuadër të Projektit, Furnizimi i Zonave Rurale të Shqipërisë me ujë (FUZR 3), financuar nga KFW-ja.
Kanë marrë pjesë edhe përfaqësues nga konsulenti zbatues; AHT Group AH, Kompania gjermane Consul Aqua dhe Ingenuity Consulting Enginiers, shkruan Radio1.
Vizita studimore në KRU ‘Hidrodrini’ është zjedhur nën shembujt e një Ndërmarrje që ka marrë investime nga KFW-ja dhe që ka eksperineca të shembullit të mirë të rajonalizimit të Ndërmarrjeve me tendecë të ndjekjes së këtij trendi edhe në Shqipëri.
Sot në ditën e dytë dhe përmbyllëse të qëndrimit në Pejë, ata kanë vizituar Impiantin për Trajtimin e Ujërave të Zeza (ITUZ), një projekt madhor dhe tregim suksesi.
