Ministri i Punëve të Brendshme Xhelal Sveçla ka njoftuar se Policia e Kosovës ka shkatërruar një laborator të kultivimit të substancave narkotike në Komunën e Zveçanit.
Në një postim në Facebook, ministri ka shkruar se në këtë aksion janë sekuestruar mbi 2 mijë fije kanabis dhe janë arrestuar 3 shtetas serbë nga Serbia dhe një shtetas serb i Kosovës.
Postimi i plotë:
Sapo është shkatërruar laboratori i radhës i kultivimit të substancave narkotike në Komunën e Zveçanit. Deri tash, nga Policia e Kosovës në vendin e ngjarjes janë sekuestruar mbi 2.000 fije kanabis, janë arrestuar 3 shtetas serb të Serbisë dhe 1 shtetas serb i Kosovës.
Vazhdojmë me intensitet të shtuar dhe pakompromis të luftojmë secilin individ apo grup, pa dallim dhe kudo në Kosovë, që përmes veprimtarive ilegale cënojnë jetën e qytetarëve tanë.
