Në vazhdën e qëndrimit në Bruksel, Ministri i Administrimit të Pushtetit Lokal, Elbert Krasniqi është takuar me Simon Mordue, Shef i Politikës së Jashtme si dhe Simona Gueorguieva, Këshilltare për Politikën e Jashtme në Kabinetin e Charles Michel, Presidentit të Këshillit Evropian.
Në takim është diskutuar për progresin që është bërë së fundmi nga Institucionet e Republikës së Kosovës, në veçanti për reformat që po bëhen në fushën e qeverisjes lokale, thuhet në një komunikatë për media.
Po ashtu, është biseduar për angazhimin e Qeverisë së Kosovës në luftimin e korrupsionit dhe krimit të organizuar.
Ministri Krasniqi falënderoj Mordue dhe Gueorguieva për mbështetjen e aspiratave Evropiane të popullit të Kosovës si dhe përkrahjen e Institucioneve të Kosovës ndër vite.
