Kryeministri i Kosovës Albin Kurti takoi kryesuesin dhe shefin për Evropën Qendrore dhe Lindore të LIDL, si dhe përfaqësues të tjerë të kompanisë gjermane LIDL.
Përkushtimi i Qeverisë së Kosovës për të bashkëpunuar për zhvillim ekonomik dhe për të përkrahur nisma të reja, që sjellin deri te rritja e investimeve, u potencua nga kryeministri Kurti.
Si faktorë të klimës së mirë për investime, ai theksoi potencialet investuese dhe arritjet ekonomike në Kosovë.
Kurti veçoi indikatorët pozitivë ekonomikë, si rritjen ekonomike 10.53%, rritjen e eksporteve 83.6%, rritjen e investimeve të huaja direkte 21%, ngritje në pagesa tatimesh 30%, pa ndryshuar politikat fiskale, rritje të hyrave të Doganës 31%, si dhe punën drejt themelimit të Gjykatës Komerciale në Kosovë.
Ndryshe, kompania “LIDL” GmbH & Co KG është zinxhiri më i madh i dyqaneve ushqimore në botë, i themeluar në vitin 1973 dhe aktualisht ka shtrirje në 31 shtete të botës.
