Zëvendësministri i Drejtësisë, Blerim Sallahu, është deklaruar pas dhënies së dritës së gjelbër nga Komisioni i Venecias për vettingun në drejtësi dhe konfiskimin e pasurisë.
Ai në Facebook ka sqaruar se çka do të thonë këto procese, teksa ka shtuar se opinionet e këtij komisioni janë të sigurta.
“Vettingu nënkupton sistem të drejtësisë të paanshëm e profesional; kurse Byroja do t’ia kthejë shtetit e shoqërisë pasuritë e përvetësuara padrejtësisht ndër vite. Të dy këto procese i patëm premtuar.
Të dyjat do t’i realizojmë dhe për këtë jemi të hapur për bashkëpunim me të gjithë. Opinionet e Komisionit të Venecias janë siguria, dëshmia e garancia e implementimit të tyre!”, shkruan ai në Facebook.
