Ministri i Shëndetësisë flet për vizat në Austri

Aktuale

Ministri i Shëndetësisë flet për vizat në Austri

Më: 15 korrik 2022 Në ora: 20:12
Rifat Latifi është takuar në Vjenë me dy eurodeputetët austriakë

Ministri i Shëndetësisë, Rifat Latifi është takuar në Vjenë me dy eurodeputetët austriakë, Lukas Mandi, dhe Andreas Schieder, e po ashtu edhe përfaqësuesit e Shoqatës së Miqësisë Austri-Kosovë.

Por, gjatë këtij takimi ai doli pak jashtë sektorit që e përfaqëson, duke folur për liberalizimin e vizave për Kosovën.

Në këtë takim u bisedua edhe për mundësinë e zhvillimit të sistemit shëndetësor të Kosovës, kështu u bë e ditur përmes një njoftimi të MSH-së.

“Për këto çështje, ministri Latifi, kërkojë nga eurodeputetët, Mandi dhe Schieder, lobim më të madh në institucionet e Bashkimit Evropian, në mënyrë që të bëhet lëvizja më e lehtë e mjekëve tanë dhe e qytetarëve të Kosovës në përgjithësi në shtetet e Bashkimit Evropian”, thuhet në njoftim.

Sipas njoftimit, Ministri Latifi, theksoi se mosliberalizimi i vizave po shkakton shumë probleme në shkëmbimin e përvojave dhe trajnimin e stafit të mjekëve, infemierëve dhe teknikëve, në vendet e Bashkimit Evropian.

“Ndërkaq, eurodeputetët austriakë, z. Lukas Mandi dhe z. Andreas Schieder, premtuan angazhim më të madh për çështjen e liberalizimit të vizave, edhe pse Austria mbështet një gjë të tillë, e po ashtu edhe në përmirësimin e sistemit shëndetësor të Kosovës.

Kurse, përfaqësuesit e Shoqatës së Miqësisë Austri-Kosovë, thanë se ata çdo herë do të jenë në mbështetje të ministrit Latifi, për të gjitha kërkesat që kanë të bëjnë me përmirësimin e shërbimeve shëndetësore për pacientët.", thuhet në njoftim.

commentFirst article
Sot mund të lexoni Shfletoni kopertinat