Ministrja e Industrisë, Tregtisë dhe Ndërmarrësisë, Rozeta Hajdari ua ka lënë fajin shitësve me pakicë për çmimet, duke thënë se shitja e produkteve nga ata po bëhet me një marzhë të lartë tregrare.
Ajo në seancën e sotme të Kuvendit të Kosovës, ka thënë se një gjë e tillë është anti-kushtetuese.
“Ne kemi analizuar situatën e rritjes së çmimeve në bazë të marzhës tregtare. Kemi analizuar, grurin, miellin, vajin, kripën, vezët, mishin e pulës, sapunin, pecetat dhe letrën higjenike. Ne kemi kalkuluar çmimet e blerjes me pakicë dhe shumicë. Kemi çmime që shkojnë deri në marzhë deri në 42% për vezët. A është kjo kushtetuese? A duhet të lejohet që qytetari ynë t’i blejë vezët me 42 %?”, ka thënë ajo.
Ndryshe, Lëvizja Vetëvendosje në seancën e sotme të Kuvendit të Kosovës ka prezantuar rezolutën për adresimin e rritjes së çmimeve.