Deputeti nga Lista “Guxo” Haxhi Avdyli, ka reaguar pas arritjes së marrëveshjes mes Kosovës dhe Serbisë, për dokumentet për shtetasit e të dy vendeve.
Ai ka thënë se fitorja e Kosovës si shtet përball Serbisë, erdhi falë guximit të presidentes Vjosa Osmani dhe kryeministrit Albin Kurti, përcjell Bota sot.
“Kur figurat kryesore të shtetit flasin me një zë të vendosur, e të guximshëm përballë botës e veçanërisht përballë faktorëve destruktiv në regjion si Serbia, jo vetëm që respektohemi por vijnë edhe fitoret tona si shtet.
Sot #Kosova ndjehet e sigurt, por edhe krenare me përfaqësimin dinjitoz institucional me Presidenten Vjosa Osmani e Kryeministrin #Kurti.
Me 14 shkurt 2021 thoshim se "Zëri ynë do sjellë ndryshim për të mirë", e tani në Gusht 2022 po vërtetohet se në skenën ndërkombëtare dhe në dialog me Serbinë, Kosova bindshëm e çdo ditë po konsolidohet si shtet sovran e i pandarë.
#Kosovashtet”, ka shkruar Avdyli, në një postim në Facebook./BS