Analisti Ilir Ibrahimi ka kritikuar mostransparencën e qeverisë karshi planit franko-gjerman.
Në profilin e tij në “Facebook”, ai ka shkruar se qytetarët e Kosovës për këtë proces po informohet nga ngjarjet që organizohen në Beograd.
Ibrahimi ka vlerësuar se zëvendëskryeministri Besnik Bislimi e ka pranuar se propozimi franko-gjerman nuk është as marrëveshje finale e as nuk përmban brenda njohjen e ndërsjellë.
“Në konferencën e sigurisë në Beograd duhet vënë theksin te dy deklarata. Ambasadori Hill foli për zhgënjimin e administratës amerikane që palët po merren me çështje triviale si targat, stikersat etj dhe jo me çështje vërtetë të rëndësishme si arritja e një marrëveshjeje. Zv. kryeministri Bislimi në anën tjetër e pranoi se propozimi franko-gjerman nuk është as marrëveshje finale e as nuk përmban brenda njohjen e ndërsjellë. Pse duhet dëgjuar një konferencë në Beograd për të mësuar këto gjëra? Është momenti i fundit, madje shumë imperativ që lidershipi aktual pozitë dhe opozitë të bëhet ma serioz. Disi po na japin ndjenjën si me qenë duke luajtur fshehtazi në mahallë dhe duke u gëzuar se kush po fshihet më së miri”, ka shkruar Ibrahimi.
