Profesori i së drejtës kushtetuese, Mazllum Baraliu theksoi se nuk është mirë për demokracinë dhe qytetarët e komunitetit serb që të tërheqin nga të gjitha institucionet në veri të Kosovës ata që kanë besuar se do t'i përfaqësojnë.
"Natyrisht që ka shkaqe të caktuara të natyrës politike. Prandaj besoj se duhet gjetur një zgjidhje politike sa më shpejt përmes dialogut, që Beogradi dhe Prishtina të pajtohen reciprokisht për të gjitha çështjet. Çështja e targave, e cila shkaktoi serbët nga veriu të japë dorëheqjen, është çështje teknike”, ka thënë Baraliu për Kosova Online, transmeton “Bota sot”.
Siç tha ai, kjo çështje nuk ka zgjidhje ligjore.
“Ata u tërhoqën dhe kur japin dorëheqjen, sipas vendimit të Gjykatës Kushtetuese, nuk mund të ndërrojnë mendje dhe të kthehen. Ligji për zgjedhjet lokale nuk parasheh dorëheqje për kryetarët e komunave, por vetëm shkarkim”, tha ai.
Baraliu rikujton se pjesa më e madhe e gjyqësorit në veri të Kosovës, sipas Marrëveshjes së Brukselit, duhet të jetë e përbërë nga serbët dhe se rastet emergjente në gjyqësor do të trajtohen nga ata që nuk janë larguar nga institucionet.
"Jo të gjithë serbët janë pensionuar nga gjyqësori. Ka nga ata që kanë mbetur. Zgjidhja e rasteve emergjente në drejtësi nuk njeh kombësi, do t'i zgjidhin njerëzit që janë në detyrë, ndërsa të tjerët do të presin", shtoi ai.
Baraliu ka vlerësuar se serbët nga veriu i Kosovës do t'i bojkotojnë zgjedhjet, kur të thirren për katër komunat serbe në veri.
"Do të jetë keq edhe për Listën Serbe. Jo të gjithë serbët në Kosovë janë të një mendjeje si SL. Ata e dinë se ka opsione të tjera politike, kështu që ndoshta kandidatë të tjerë do të jenë në listën e votimit dhe do të fitojnë zgjedhjet, dhe Përfaqësuesit e Listës Serbe do ta vëzhgojnë nëse i bojkotojnë zgjedhjet, Lista Serbe sigurisht që ka mjaft kandidatë me të cilët mund të shkojë në zgjedhje”, ka përfunduar profesori.
