Opinionistja Kimete Berisha në një shkrim autorial në Facebook ka komentuar deklaratën e zë/kryeministrit Besnik Bislimi.
Ajo shkruan se ai nuk po tregon të drejtën, madje ‘foret’ i ka vjedhur nga Rexhep Qosja.
Sipas saj, Qeveria, përmes Besnik Bislimit, po tregon se politikën e bëjnë me parashikime e jo me plane.
Postimi i plotë:
Besnik Bislimi: 'Nuk jam Nostradamus'.
- Po rren, se është!
Pse s'po tregon drejt...
Pasi i hoqi dyshimet e popullit se nuk është Nostradamus, Besnik Bislimi tha se pas të hënës vjen e martja.
Parashikim është edhe ky.
Demek, pas Hënës vjen Marsi.
Hëna simbolizon dashurinë, kurse Marsi simbolizon luftën.
Edhe këtë forë të lodhur, Besnik Bislimi, e ka vjedhur nga Rexhep Qosja (i cili ku me ditë se prej kujt e ka huazuar).
Rexhep Qosja e ka pas përdorur këtë shprehje në një moment kritik për Kosovën.
Ka pas thënë: 'E vetmja gjë e sigurt është se nesër është e hënë'.
E ka pas dridh armikun.
P.S. Qeveria, përmes Besnik Bislimit, po tregon se politikën e bëjnë me parashikime e jo me plane.
Pikërisht pse nuk je parashikues i fatit (nëse nuk je), duhet ta kesh një plan.
(Nëse je parashikues, dije mirë se kanë me t'nxan).
Pyetja është: Çka ka në plan qeveria pas 21 nëntorit 2022, e jo çka parashikon qeveria.
