Ish-kryeministri i Kosovës, Avdullah Hoti ka shprehur pakënaqësi përmes një postimi në rrjetin e tij social në Facebook duke lënë fajtor qeverinë për shpenzimet e terminaleve doganore.
I menjëhershëm ka qenë reagimi i minsitrit të financave Hekuran Murati.
Murati thotë, dikush duhet ta pyes Hotin se, "sa çerdhe i patën ndërtu me paratë që i paskan kursy nga privatizimi terminaleve gjatë kohës sa ky me partinë e tij kanë qenë në qeverisje”.
Derisa shton, se qeveri Kurti po i bën edhe terminalet shtetërore edhe çerdhet.
Postimi në Facebook:
Le ta pyet dikush deputetin Hoti se, sa çerdhe i patën ndërtu me paratë që i paskan kursy nga privatizimi terminaleve gjatë kohës sa ky me partinë e tij kanë qenë në qeverisje.
Qeveria jonë po i bën edhe terminalet shtetërore, edhe çerdhet!
Ata para nesh, as terminale, por as çerdhe.
Madje edhe ato pak çerdhe që ishin ndërtuar nga komunat, i kanë lënë pa staf.
U desh të vinte Qeveria jonë, që të alokohej edhe stafi prej 243 personave për të funksionalizuar çerdhet që kishin mbetur të pafunksionalizuara nëpër komuna.
