Nisma që Lulëkuqja të bëhet simbol i gjenocidit në Kosovë po kundërshtohet nga publicisti, Nexhmedin Spahiu.
Ai ka thënë se kjo ide është kopje e simbolit të dëshmorëve të prej luftërave napoleonike e këtej.
“Lulëkuqja, simbol i dëshmorëve prej luftërave napoleonike e këtej po tentohet të bëhet simbol i gjenocidit në Kosovë. Na mbytën me plagjiatura. Thua Kosova nuk mund të bëjë diçka origjinale. Shihni ngjashmërinë e këtyre simboleve”, ka shkruar Spahiu në Facebook.
Ai ka publikuar edhe dy foto ku sipas tij simbolet janë të ngjashme.
Ndryshe, kryetari i Qendrës “Gjenocidi në Kosovë-Plagë e Hapur”, Bardhyl Mahmuti ka thënë se 14 komuna e kanë miratuar këtë simbol (Lulëkuqen).
Ai ka thënë se kjo iniciative po mbështetet nga njerëz të ndryshëm brenda dhe jashtë vendit.
Mbështetje kësaj iniciative i ka dhënë edhe PDK.
