Për një javë mbi njëmijë të rinj janë regjistruar dhe verifikuar në platformën e lasuar javën e kaluar nga Qeveria e Kosovës, “Superpuna”.
Këtë e ka bërë të ditur, ministri i Financave, Hekuran Murati, përmes një postimi në Facebook.
Murati tha se të gjithë të rinjtë e moshës 18-25 vjeç, që janë në kërkim të një vendi pune, kanë mundësinë të regjistrohen dhe të gjejnë një vend pune me pagë të garantuar nga shteti.
“Që në javën e parë pas lansimit, kemi mbi 1 mijë punëkërkues të regjistruar dhe verifikuar në platformën Superpuna! Të gjithë të rinjtë e moshës 18-25 vjeç që janë në kërkim të një vendi pune, kanë mundësinë të regjistrohen dhe të gjejnë një vend pune me pagë të garantuar nga shteti”, ka shkruar ai
