Presidenti i ShBA-ve Joe Biden e ka uruar homologun e tij serb Aleksandër Vuçiq me rastin e ditës së shtetësisë së Republikës së Serbisë.
Në këtë mesazh urimi, Bideni i bëri thirrje Serbisë që të mbështes popullin e Ukrainën dhe të kërkojë llogari nga Rusia duke shtuar se ShBA-ja do ta vazhdojë mbështetjen e Serbisë në rrugën e saj drejt normalizimit të raporteve me Kosovën.
“I nderuari zoti President, Në emër të Popullit të Shteteve të Bashkuara, ju dërgoj urimet e sinqerta juve dhe popullit të Serbisë me rastin e festës kombëtare, të cilën ju e festoni më 15 shkurt.” – nis letrën e tij z. Biden.
Ai më pas i foli edhe për diversifikimin e burimeve të energjisë dhe forcimin e bashkëpunimit ekonomik mes ShBA-ve dhe Serbisë.
“Në vitin e ardhshëm, Shtetet e Bashkuara do të vazhdojnë mbështetjen e rrugës së Serbisë drejt anëtarësimit në Bashkimin Evropian dhe dialogun për normalizimin e marrëdhënieve me Kosovën...” – shkruhet më tej në këtë letër.
Ai i shprehu mbështetje Vuçiqit edhe për përkrahjen e tij për planin franko-gjerman (propozimi i BE-së) për normalizimin e raporteve me Kosovën.
