Kryeministri i Kosovës, Albin Kurti, ka falënderuar deputetin laburant britanik, për fjalimin e mbajtur në mbështetje të Kosovës, për çka tha se Mbretëria e Bashkuar ka qenë kaherë mbështetëse dhe aleat i Kosovës.
“Shumë faleminderit deputetit Alex Sobel, i cili foli për situatën në Kosovë në Parlamentin e Mbretërisë së Bashkuar.
Mbretëria e Bashkuar ka qenë gjithmonë mbështetëse dhe aleate e vendosur e vendit tone”, ka shkruar Kurti në Twitter.
Many thanks to Labour MP @alexsobel for speaking out about the situation in Kosova in the UK Parliament. 🇬🇧 has always been a staunch supporter and ally of our country. https://t.co/1MGAeuSHm1
— Albin Kurti (@albinkurti) February 15, 2023
Deputeti britanik Alex Sobel, tha se Mbretëria e Bashkuar para 20 viteve pati rol madhor në ndaljen e gjenocidin ndaj popullit shqiptar në Kosovë.
“Kosova është një vend i ri, ku Britania e Madhe luajti një rol të madh në ndalimin e gjenocidit 20 vjet më parë, situata po përkeqësohet sërish me praninë malinje të Rusisë duke nxitur tensionet në rajon”, ka thënë ai.
