Kryetari i Lidhjes Demokratike të Kosovës, Lumir Abdixhiku, ka thënë se Mali i Zi është partnerë i rëndësishëm i Kosovës.
Ai gjatë takimi me të ngarkuarin me punë në ambasadën e Malit të Zi në Kosovë, Bernard Çobaj, ka vlerësuar përkrahjen e këtij shteti ndaj Kosovës për proceset integruese.
“Abdixhiku shprehu mirënjohjen e tij për mbështetjen që Mali i Zi ka dhënë për Kosovën në proceset integruese të saj, dhe po ashtu u shpreh i përkushtuar për thellimin e raporteve mes shteteve tona, pas parasysh që Mali i Zi mbetet partner i rëndësishëm rajonal për Kosovën”, thuhet në komunikatën e LDK-së.
Gjatë takimit u diskutua për situatën aktuale politike si dhe të ardhmen dhe perspektivën euro-atlantike që e kanë Kosova dhe Mali i Zi.
