Profesori Bujar Dugolli ka polemizuar në emisionin Pressing me Besnik Berishën lidhur me planin franko-gjerman.
Dugolli tha fillimisht se kryeministri i Kosovës, Albin Kurti, nuk e ka pranuar themelimin e Asociacionit të komunave me shumicë serbe si në marrëveshjen e Brukselit të vitit 2013. Ai po ashtu përmendi deklaratën e Aleksandar Vucic që Kurti nuk pranoi të themelohet Asociacioni.
Ndërkohë këtu ndërhyri Berisha, i cili e pyeti se a e ka pranuar apo jo Kurti Asociacionin.
“A e ka pranuar apo jo? Këtë duhet ta dimë”, tha ai.
Dugolli ia ktheu duke i thënë se Kurti nuk krijon Asociacionin tjetër, përveç asaj që ka thënë vendimi i Gjykatës Kushtetuese të Kosovës.
“Kurti ua bëri qejfin juve, ju keni dashtë Asociacion”, tha ai.
Berisha ia ktheu përsëri, duke thënë se ish-kryeministri Isa Mustafa e negocioi marrëveshjen e vitit 2013 në atë mënyrë që të mos ketë lëshime.
“Kush e vuri pikën e fundit që kërkon një mendim nga Gjykata Kushtetuese në marrëveshje. Ishte Mustafa”, shtoi ai.
