Ish-kryeministri dhe deputeti nga rradhët e Lidhjes Demokratike të Kosovës, Avdullah Hoti, ka takuar presidenten e Tajvanit, Ing-wen.
Ai në llogarinë e tij në Facebook, ka shkruar se mundësitë e bashkëpunimit me këtë shtet janë të mëdha dhe duhet shfrytëzuar sidomos në fushën e Teknologjisë së Informacionit.
Pjesë e delegacionit kosovarë janë edhe deputetët Blerta Deliu, Fridon Lala, Driton Selmanaj, Bekë Berisha.
Postimi i plotë:
Gjatë këtyre ditëve, me një grup të deputetëve nga Kosova, Maqedonia e Veriut dhe Rumania po qëndrojmë në Tajvan për të marrë pjesë në Forumin për Transparencë Parlamentare, të organizuar nga NDI (Instituti Demokratik Kombëtar nga ShBA).
Sot u takuam me presidenten e Tajvanit znj. Tsai Ing-wen, të cilën e falenderova për mikpritjen në emër të delegacionit. Republika e Kosovës është krah çdo shteti demokratik dhe liberal, që mbron dhe promovon vlerat demokratike dhe të drejtat e liritë njerëzore, që mbron dhe promovon ekonominë e tregut të lirë.
Mundësitë për bashkëpunim ekonomik janë të mëdha dhe duhet të shfrytëzohen, sidomos në sektorin e TI, ku Tajvani është lider botëror, ndërkaq Kosova po prodhon profesionistë në këtë fushë.