Profesori Nezir Kraki ka thënë në emisionin DPT te Fidani se me marrëveshjen për planin evropian, shënohet hera e parë që Serbia ka hequr dorë nga Kosova.
Ai thotë se kjo nuk ka ndodhur kurrë më parë.
“Kjo nuk ka ndodhur asnjëherë më parë që prej bisedimeve për statusin. Madje as nëpër korridore nuk ka ndodhur dhe nuk është biseduar. Kjo është hera e parë në histori që Serbia heq dorë nga Kosova. Prej kohës kur u krijua principata serbe në kohën kur Perandoria Osmane u dobësuan”, tha Kraki.
Kraki tha se Serbia nuk mund të vazhdojë rrugën drejt BE-së nëse nuk heq dorë nga Kosova. Ai po ashtu shtoi se komuniteti ndërkombëtar nuk kërkoi nga Serbia që të largojë Kosovën nga kushtetuta, për shkak se kjo do të nënkuptonte fundin e karrierës politike të Vuçiqit dhe perëndimit nuk i konvenon kjo.
“Është hera e parë që Serbia largohet nga pretendimi i saj mbi Kosovën. Nuk mundet Serbia t’i afrohet BE-së nëse nuk largohet nga Kosova. Nuk ka konformitet me të drejtën europiane. Nuk mund një shtet të anëtarësohet në BE nëse nuk ka 100% të territorit në kontrollin e tij dhe ka pretendime mbi territore të vendeve tjera. Kapitulli 35 është i fundit që kontrollon nëse një shtet ka nën kontroll cdo cep të territorit të tij. Nuk mundet tash të detyrojë të gjitha këto dhe të modifikojë kushtetutën. Do të ishte fundi i karrierës politike të Vucicit dhe Evropa nuk ka interes që kjo të ndodhë”, shtoi ai.
