Protestës në mbështetje të ish-krerëve të Ushtrisë Çlirimtare të Kosovës i është bashkuar edhe ish gjenerali i luftës, Kudusi Lame.
Ai ka kërkuar që shqiptarët të bashkohen në mbrojtje të vlerave të luftës.
Lame: Kriminalizimi i luftës ka synim të konsiderojë me rrënjë kriminale edhe shtetin e Kosovës
“Jemi në mbrojtje të luftës sonë të lavdishme dhe të luftëtarëve që i kanë mbyllur me akuza të rreme në Hagë. Ju kërkoj niveleve shtetërore në Prishtinë të kthejnë sytë nga Haga dhe të hedhin poshtë gënjeshtrën dhe shpifjen. Ju shtetarë të Kosovës duhet të kuptoni që kriminalizimi i luftës ka synim të konsiderojë me rrënjë kriminale edhe shtetin e Kosovës”, ka thënë gjeneral Lama.
Protesta vazhdon deri në orën 13:00.
