Avokati i njohur, Arianit Koci ka rrëfyer një rast të tmerrshëm të dhunimit seksualisht të një vajze 18 vjeçare në Prishtinë dhe për trajtimin joserioz të rastit nga Policia e Kosovës.
Koci ka thënë se policia i kishte lënë në rrugë viktimën dhe nënën e saj, pasi gjatë kohës sa po shkonin tek vendi i ngjarjes, atyre iu kishte dalë një "punë urgjente".
Pas kësaj, Koci ka thënë se nëna dhe bija kishin shkuar në këmbë në shtëpi.
Më tej, ai ka treguar trajtimin e tmerrshëm të policisë, duke thënë se pas disa ditëve hetuesit policor kishin shkuar përsëri në shtëpi të viktimës.
“A nuk duhet këto raste me u trajtuar me prioritet nga policia. Cila paska qenë ajo punë aq urgjente?” – ka shkruar Koci ndër të tjera.
Shkrimi i z. Koci:
1.
Prezantohet rrejshëm si polic. Brutalisht e dhunon seksualish vajzën 18 vjeqare në Prishtinë.
Raportohet rasti.
Viktima vajzë e re e cila duket si fëmijë, është në shok të thellë.
2.
Policia shkon me veturë në shtëpinë e viktimës. E merr viktimën bashkë me nënën e saj dhe shkojmë te vendi i ngjarjes.
Janë dy vende që duhet vizituar.
E vizitojnë vendin e parë. Rrugës për të vendi i dytë, hetuesve iu vjen një thirrje telefonike.
“Shkojmë ndonjë ditë tjetër se e kemi një punë urgjente” - thotë njëri prej hetuesve.
Kërkojnë që viktima dhe nëna e saj të zbresin prej veturës.
3.
Nënë e bijë, kthehën këmbë në shtëpi.
E ndiejnë vetën të lënë anash. Kanë përshtypjen se policia nuk e ka marrë seriozisht raportimin e dhunimit të një vajze te re.
Shkojnë prap pas disa dite - viktima me nënën dhe hetuesit.
Viktima 18 vjeqare, ritraumatizohet kur shkojnë përsëri te vendi i ngjarjes.
A nuk duhet këto raste me u trajtuar me prioritet nga policia.
Cila paska qenë ajo punë aq urgjente?
