Blerim Vela, shefi i kabinetit të presidentes Vjosa Osmani, ka bërë të ditur se Lista Serbe është e informuar me të gjitha zhvillimet në lidhje me zgjedhjet e 23 prillit në pjesën veriore të Kosovës.
Ky reagim i Velës vjen pas deklarimeve të shtetit të Serbisë se Kosova po organizon zgjedhje jodemokratike.
“Lista Serbe përfaqësohet dhe merr pjesë në KQZ, ku po zhvillohen të gjitha përgatitjet zgjedhore për 23 Prill”, ka thënë Vela me anë të një cicërime në Twitter.
Ai ka theksuar se Serbia rrejshëm pretendon se Kosova po organizon zgjedhje “jodemokratike”, duke shtuar se të kundërtën e dëshmojnë institucionet kosovare me veprimet që i kanë bërë, të cilat i keni më poshtë:
“Institucionet e Kosovës: Shtynë zgjedhjet nga 22 dhjetori në 23 prill; KQZ-ja zgjati afatin e regjistrimit të partive/kandidatëve nga data 18 mars në 22 mars; partitë dhe kandidatët serbë të Kosovës janë regjistruar për zgjedhjet e 23 prillit; Lista Serbe përfaqësohet dhe merr pjesë në KQZ, ku po zhvillohen të gjitha përgatitjet zgjedhore për 23 prill”, ka shkruar Vela në Twitter.
🚨 FACTS
— Blerim Vela (@Blerim_Vela) April 18, 2023
While Serbia uses violence, intimidation, corruption & is now resorting to election interference in north Kosovo, it is falsely claiming that 🇽🇰 institutions are organizing “undemocratic” elections.
Kosovo institutions have:
👉🏻 postponed elections from Dec 22 to Apr 23
